Non ao luns.

No fútbol moderno os socios dos clubes,os afeccionados de toda a vida,esa xente que mantén a ilusión nunhas cores e nun escudo, aqueles afeccionados que por exemplo levan toda a vida vendo ao seu equipo desde que xogaba o descenso a 2ºB, o caso dos meus avós e do meu bisavó que cada vez que o Depor gañaba (incluso cando xogaba en 3ª División) ía darlle 5 pesos  San Antonio. Un equipo que chegou a gañar a liga, a esta xente leva o fútbol no sangue, pásaselles por enriba con horarios e decisións onde o único que prima é o que a televisión (os cartos mellor dito) manden ter que xogar ás 9 da noite e aínda encima un luns, iso é normal?, quen vai ir a un bar ou á casa dun amigo, ou incluso ao estadio explicitamente a ver este partido un día da semana cando a metade da xente esta traballando e a outra metade ten que madrugar ao día seguinte?,quen pode ver ese partido neste horario? os chineses como moito.






Estanse a "cargar" o fútbol,baleirando estadios, bares.... A día de hoxe, ata unha semana antes do partido en cuestión non sabes que día vai xogar o teu equipo nin a que hora nin nada, o que impide que moitos afeccionados que queiran viaxar para ver ao seu equipo fóra da casa non poidan facelo ou os que queiran ir velo na casa non saiban se poden ir ou non porque non saben a que hora é. Está claro que 200 euros que costa o desprazamento que arriscas porque non sabes o día do partido para os dirixentes do fútbol e das televisións non son nada, pero para os verdadeiros afeccionados ao fútbol que queren seguir e animar ó seu equipo vaia a onde vai non so poden permitir.






A LFP é das poucas ligas grandes (que grandes son todas) que non ten fixado os partidos e os seus horarios antes do inicio da competición, algo non moi lóxico, será moito traballo para os donos do fútbol facelo?. A isto hai que sumarlle o prezo das entrada que é un dos máis altos de Europa. Un exemplo é que os afeccionados do Borusia de Dormund non ían acudir ao seu derbi fronte o Schalke 04 debido ao alto prezo (para eles) das entradas para o seu sector,o prezo desta entrada era de 22 euros (a máis barata).
Xa van, contado o Depor - Hércules que se xogará o luns 6 de decembro ás 9 da noite, tres partidos que o Deportivo ten que xogar un luns (Xornada 3: Deportivo 2 - 2 Getafe C.F. e Xornada 8: Real Sociedad 3 - 0 Deportivo) isto tradúcese en bancadas case baleiras e un cabreo dos afeccionados dos dous equipos moi grande. NON AO FÚTBOL OS LUNS.